Wafaq Ul Madaris Al Salafia Ammah Sal e Awal (Baneen)
وفاق المدارس السلفیہ، عامہ سالِ اول (بنین)

Wafaq Ul Madaris Al Salafia Ammah Sal e Awal (Baneen) <br> وفاق المدارس السلفیہ، عامہ سالِ اول (بنین)

فضیلۃ الشیخ محمد عظیم حاصل پوری کی کتاب جنت سے محروم کرنے والے چالیس اعمال ایک مختصر مگر نہایت مؤثر اصلاحی تصنیف ہے، جس میں ان گناہوں اور اعمال کی نشاندہی کی گئی ہے جو انسان کو جنت سے دور کر دیتے ہیں۔ مصنف نے روزمرہ زندگی میں ہونے والی عام کوتاہیوں کو قرآن و حدیث کی روشنی میں واضح کرتے ہوئے قاری کو اصلاحِ نفس اور آخرت کی کامیابی کی طرف متوجہ کیا ہے۔

جب کوئی معاشرہ مذہب کو اپنے قانون کا ماخذ بنا لیتا ہے تو اس کے نتیجے میں علم فقہ وجود پذیر ہوتا ہے۔ علم فقہ، دین کے بنیادی ماخذوں سے حاصل شدہ قوانین کے ذخیرے کا نام ہے۔ چونکہ دین اسلام میں قانون کا ماخذ قرآن مجید اور رسول اللہ صلی اللہ علیہ واٰلہ وسلم کی سنت ہے اس وجہ سے تمام قوانین انہی سے اخذ کیے جاتے ہیں۔ جب قرآن و سنت کی بنیاد پر قانون سازی کا عمل شروع کیا جائے تو اس کے نتیجے میں متعدد سوالات پیدا ہو جاتے ہیں۔قرآن مجید کو کیسے سمجھا جائے؟قرآن مجید کو سمجھنے کے لئے کس کس چیز کی ضرورت ہے؟ سنت کو سمجھنے کے لئے کس کس چیز کی ضرورت ہے؟ سنت کہاں سے اخذ کی جائے گی وغیرہ وغیرہ۔ ان سوالوں کا جواب دینے کے لئے جو فن وجود پذیر ہوتا ہے، اسے اصول فقہ کہا جاتا ہے۔اور تمام قدیم مسالک (احناف،شوافع،حنابلہ اور مالکیہ)نے قرآن وسنت سے احکام شرعیہ مستنبط کرنے کے لئے اپنے اپنے اصول وضع کئے ہیں۔بعض اصول تو تمام مکاتب فکر میں متفق علیہ ہیں جبکہ بعض میں اختلاف بھی پایا جاتا ہے۔ کتاب ” محاضرات فقہ” محترم ڈاکٹر محمود احمد غازی صاحب﷫ کی تصنیف ہے۔جو درحقیقت ان کے ان دروس اور لیکچرز پر مشتمل ہے جو انہوں نےراولپنڈی اور اسلام آباد میں درس قرآن کے حلقات سے وابستہ مدرسات قرآن کے سامنے پیش کئے۔

\n \n \n تجارت کے ان طور طریقوں کی حوصلہ افزائی کرتا ہے ،جس میں بائع اور مشتری دونوں میں سے کسی کو بھی دھوکہ نہ ہو ،اور ایسے طریقوں سے منع کرتا ہے جن میں کسی کے دھوکہ ،فریب یا فراڈ ہونے کا اندیشہ ہو۔یہی وجہ ہے اسلام نے تجارت کے جن جن طریقوں سے منع کیا ہے ،ان میں خسارہ ،دھوکہ اور فراڈ کا خدشہ پایا جاتا ہے۔اسلام کے یہ عظیم الشان تجارتی اصول درحقیقت ہمارے ہی فائدے کے لئے وضع کئے گئے ہیں۔اس وقت دنیا میں دو معاشی نظام اپنی مصنوعی اور غیر فطری بیساکھیوں کے سہارے چل رہے ہیں۔ایک مغرب کا سرمایہ داری نظام ہے ،جس پر آج کل انحطاط واضطراب کا رعشہ طاری ہے۔دوسرا مشرق کا اشتراکی نظام ہے، جو تمام کی مشترکہ ملکیت کا علمبردار ہے۔ایک مادہ پرستی میں جنون  کی حد تک تمام انسانی اور اخلاقی قدروں کو پھلانگ چکا ہے تو دوسرا معاشرہ پرستی  اور اجتماعی ملکیت کا دلدادہ ہے۔لیکن رحم دلی،انسان دوستی اور انسانی ہمدردی کی روح ان دونوں میں ہی مفقود ہے۔دونوں کا ہدف دنیوی مفاد اور مادی ترقی کے علاوہ کچھ نہیں ہے۔اس کے برعکس اسلام ایک متوسط اور منصفانہ معاشی نظریہ پیش کرتا ہے،وہ سب سے پہلے دلوں میں خدا پرستی،انسان دوستی اور رحم دلی کے جذبات پیدا کرتا ہے۔  کتاب ” محاضرات معیشت وتجارت” محترم ڈاکٹر محمود احمد غازی صاحب کی تصنیف ہے۔جو درحقیقت ان کے ان دروس اور لیکچرز پر مشتمل ہے جو انہوں نےدوحہ قطر میں مختلف مقامات پر ارشاد فرمائے۔

and a humble effort to understand the Qur’an in the light of the authentic Ahadith of the Prophet (Peace and Blessings of Allah be upon him) and the sense of the Sahabah (May Allah be pleased with them all)

نبی کریم ﷺ کی سیرت کا مطالعہ کرنا ہمارے ایمان کا حصہ بھی ہے اور حکم ربانی بھی ہے۔قرآن مجید نبی کریم ﷺ کی حیات طیبہ کو ہمارے لئے ایک کامل نمونہ قرار دیتا ہے۔اخلاق وآداب کا کونسا ایسا معیار ہے ،جو آپ ﷺ کی حیات مبارکہ سے نہ ملتا ہو۔اللہ تعالی نے نبی کریم ﷺ کے ذریعہ دین اسلام کی تکمیل ہی نہیں ،بلکہ نبوت اور راہنمائی کے سلسلہ کو آپ کی ذات اقدس پر ختم کر کےنبوت کے خاتمہ کے ساتھ ساتھ سیرت انسانیت کی بھی تکمیل فرما دی کہ آج کے بعد اس سے بہتر ،ارفع واعلی اور اچھے وخوبصورت نمونہ وکردار کا تصور بھی ناممکن اور محال ہے۔آپ ﷺ کی سیرت طیبہ پر متعدد زبانوں میں بے شمار کتب لکھی جا چکی ہیں،جو ان مولفین کی طرف سے آپ کے ساتھ محبت کا ایک بہترین اظہار ہے۔ہر مولف نے سیرت لکھتے وقت کچھ نہ کچھ اصول سامنے رکھے ہیں،جنہیں علم سیرت بھی کہا جا سکتا ہے۔ کتاب ” محاضرات سیرت ﷺ” محترم ڈاکٹر محمود احمد غازی صاحب﷫ کی تصنیف ہے۔جو درحقیقت ان کے ان دروس اور لیکچرز پر مشتمل ہے جو انہوں نےراولپنڈی اور اسلام آباد میں درس قرآن کے حلقات سے وابستہ مدرسات قرآن کے سامنے پیش کئے۔

مولانا جاوید اقبال سیالکوٹی کی کتاب ’’مسلمان کون؟‘‘ اسلام کے ارکانِ خمسہ (توحید و رسالت کی شہادت، نماز، زکوٰۃ، روزہ اور حج) کی اہمیت اور ان کے ترک و انکار کے شرعی حکم کو قرآن و سنت اور ائمہ کے اقوال کی روشنی میں بیان کرتی ہے۔ یہ مختصر مگر علمی کتاب مسلمانوں کو دینی فرائض کی طرف متوجہ کرنے اور ایمان و عمل کی درست سمجھ فراہم کرنے کے لیے ایک مؤثر رہنمائی ہے۔

علامہ احمد بن حجر کی کتاب ’’معاشرے کی مہلک بیماریاں اور ان کا علاج‘‘ معاشرتی برائیوں اور کبیرہ گناہوں کی نشاندہی کرتے ہوئے قرآن و سنت کی روشنی میں ان کے اثرات اور اصلاح کا طریقہ بیان کرتی ہے۔ اس کا اردو ترجمہ مولانا نصیر احمد نے کیا ہے، اور یہ کتاب فرد اور معاشرے دونوں کی اصلاح کے لیے ایک جامع اور مفید رہنمائی فراہم کرتی ہے۔

امام ابن الجوزی رحمہ اللہ چھٹی صدی ہجری کے نامور محدث، واعظ اور مصنف تھے جن کی دینی و اصلاحی تصانیف امت میں بہت مقبول ہیں۔ زیرِ نظر کتاب ’’بستان الواعظین وریاض السامعین‘‘ ان کے وعظ و نصیحت پر مشتمل خطبات کا مجموعہ ہے جس میں ایمان، آخرت، عبادات اور اخلاقی موضوعات کو مؤثر انداز میں بیان کیا گیا ہے۔ اس کا اردو ترجمہ مولانا سعید احمد چنیوٹی نے کیا ہے اور تخریج پروفیسر حافظ محمد اصغر نے کی ہے، جس سے اس کی علمی افادیت مزید بڑھ گئی ہے۔

مولانا اختر صدیق (فاضل مدینہ یونیورسٹی اور سابق استاد جامعہ لاہور الاسلامیہ) کا یہ کتابچہ خوابوں سے متعلق شرعی رہنمائی فراہم کرتا ہے اور واضح کرتا ہے کہ خواب نہ تو مکمل طور پر بے وقعت ہیں اور نہ ہی شریعت میں مستقل دلیل کا درجہ رکھتے ہیں۔ اس میں خوابوں کی اقسام، آداب، اچھے خوابوں کے اسباب اور ان سے متعلق اہم شرعی مسائل جیسے اللہ تعالیٰ یا نبی کریم ﷺ کو خواب میں دیکھنے کے احکام کو مختصر اور آسان انداز میں بیان کیا گیا ہے۔ یہ کتابچہ خوابوں کے بارے میں پائی جانے والی غلط فہمیوں کو دور کرنے اور صحیح اسلامی نقطہ نظر سمجھنے میں مدد دیتا ہے۔

محدث العصر حافظ زبیر علی زئی (1957ء - 2013ء) دورِ حاضر کے عظیم محدث، مجتہد، مفتی اور غیور ناقد تھے۔ حافظ زبیر علی زئی نے 3 سے 4 ماہ میں قرآن مجید حفظ کیا۔ آپ نے جامعہ محمدیہ گوجرانوالہ سے سند فراغت حاصل کی وفاق المدارس السلفیہ سے شہادۃ العالمیہ کی سند بھی حاصل کی۔ نیز آپ نے پنجاب یونیورسٹی سے اسلامیات اور عربی میں ایم اے بھی کیا تھا۔ آپ اپنی مادری زبان ہندکو کے ساتھ ساتھ کئی ایک زبانوں پردسترس رکھتے تھے۔ جن میں عربی، اردو، پشتو، انگریزی، یونانی، فارسی اور پنجابی زبان شامل ہیں۔ علم حدیث کے ممتاز ماہر اور فن اسماء رجال کے شہ سوار تھے۔ بڑے متقی اور عابد، زاہد انسان تھے۔

شیخ صفی الرحمن المبارک پوری کی سیرت نبوی پر ایک مکمل مستند کتاب۔ دی سیلڈ نیکٹر کو ورلڈ مسلم لیگ نے پہلی انعام یافتہ کتاب کے طور پر نوازا۔ جو شخص نبی کریم صلی اللہ علیہ وسلم کے پورے طرز زندگی کو تفصیل سے جاننا چاہتا ہے اسے یہ کتاب ضرور پڑھنی چاہیے۔ محمد صلی اللہ علیہ وسلم اللہ کے رسول ہیں اور جو لوگ آپ کے ساتھ ہیں وہ کافروں پر سخت اور آپس میں رحم دل ہیں۔ تم ان کو رکوع اور سجدہ میں گرتے ہوئے اللہ کے فضل اور (اس کی) خوشنودی کی تلاش میں دیکھتے ہو۔ ان کے (یعنی ان کے ایمان کا) نشان ان کے چہروں (ماتھوں) پر سجدہ کے نشانات سے ہوتا ہے۔ تورات (تورات) میں ان کی تفصیل یہ ہے۔ لیکن انجیل (انجیل) میں ان کا بیان اس (بوئے ہوئے) بیج کی طرح ہے جو اپنی ٹہنیاں نکالتا ہے پھر اسے مضبوط بناتا ہے اور موٹا ہو جاتا ہے اور اپنے تنے پر سیدھا کھڑا ہوتا ہے جو بونے والوں کو خوش کرتا ہے تاکہ وہ ان سے کافروں کو غضبناک کرے۔

and adults